शिवताण्डवस्तोत्रम्
श्रीगणेशाय नमः
जटाटवीगलज्जलप्रवाहपावितस्थले
गलेऽवलम्ब्य लम्बितां भुजङ्गतुङ्गमालिकाम् |
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिवः शिवम् ||१||
जटाकटाहसम्भ्रमभ्रमन्निलिम्पनिर्झरी
विलोलवीचिवल्लरीविराजमानमूर्धनि |
धगद्धगद्धगज्ज्वलल्ललाटपट्टपावके
किशोरचन्द्रशेखरे रतिः प्रतिक्षणं मम ||२||
धराधरेन्द्रनंदिनीविलासबन्धुबन्धुर
स्फुरद्दिगन्तसन्ततिप्रमोदमानमानसे |
कृपाकटाक्षधोरणीनिरुद्धदुर्धरापदि
क्वचिद्दिगम्बरे(क्वचिच्चिदम्बरे) मनो विनोदमेतु वस्तुनि ||३||
जटाभुजङ्गपिङ्गलस्फुरत्फणामणिप्रभा
कदम्बकुङ्कुमद्रवप्रलिप्तदिग्वधूमुखे |
मदान्धसिन्धुरस्फुरत्त्वगुत्तरीयमेदुरे
मनो विनोदमद्भुतं बिभर्तु भूतभर्तरि ||४||
सहस्रलोचनप्रभृत्यशेषलेखशेखर
प्रसूनधूलिधोरणी विधूसराङ्घ्रिपीठभूः |
भुजङ्गराजमालया निबद्धजाटजूटक
श्रियै चिराय जायतां चकोरबन्धुशेखरः ||५||
ललाटचत्वरज्वलद्धनञ्जयस्फुलिङ्गभा
निपीतपञ्चसायकं नमन्निलिम्पनायकम् |
सुधामयूखलेखया विराजमानशेखरं
महाकपालिसम्पदेशिरोजटालमस्तु नः ||६||
करालभालपट्टिकाधगद्धगद्धगज्ज्वल
द्धनञ्जयाहुतीकृतप्रचण्डपञ्चसायके |
धराधरेन्द्रनन्दिनीकुचाग्रचित्रपत्रक
प्रकल्पनैकशिल्पिनि त्रिलोचने रतिर्मम ||७||
नवीनमेघमण्डली निरुद्धदुर्धरस्फुरत्
कुहूनिशीथिनीतमः प्रबन्धबद्धकन्धरः |
निलिम्पनिर्झरीधरस्तनोतु कृत्तिसिन्धुरः
कलानिधानबन्धुरः श्रियं जगद्धुरंधरः ||८||
प्रफुल्लनीलपङ्कजप्रपञ्चकालिमप्रभा
वलम्बिकण्ठकन्दलीरुचिप्रबद्धकन्धरम् |
स्मरच्छिदं पुरच्छिदं भवच्छिदं मखच्छिदं
गजच्छिदांधकच्छिदं तमन्तकच्छिदं भजे ||९||
अखर्व(अगर्व) सर्वमङ्गलाकलाकदम्बमञ्जरी
रसप्रवाहमाधुरी विजृम्भणामधुव्रतम् |
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे ||१०||
जयत्वदभ्रविभ्रमभ्रमद्भुजङ्गमश्वस
द्विनिर्गमत्क्रमस्फुरत्करालभालहव्यवाट् |
धिमिद्धिमिद्धिमिध्वनन्मृदङ्गतुङ्गमङ्गल
ध्वनिक्रमप्रवर्तित प्रचण्डताण्डवः शिवः ||११||
दृषद्विचित्रतल्पयोर्भुजङ्गमौक्तिकस्रजोर्
गरिष्ठरत्नलोष्ठयोः सुहृद्विपक्षपक्षयोः |
तृणारविन्दचक्षुषोः प्रजामहीमहेन्द्रयोः
समं प्रव्रितिक: कदा सदाशिवं भजम्यहम ||१२||
कदा निलिम्पनिर्झरीनिकुञ्जकोटरे वसन्
विमुक्तदुर्मतिः सदा शिरः स्थमञ्जलिं वहन् |
विलोललोललोचनो ललामभाललग्नकः
शिवेति मंत्रमुच्चरन् कदा सुखी भवाम्यहम् ||१३||
इदम् हि नित्यमेवमुक्तमुत्तमोत्तमं स्तवं
पठन्स्मरन्ब्रुवन्नरो विशुद्धिमेतिसंततम् |
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिंतनम् ||१४||
पूजावसानसमये दशवक्त्रगीतं
यः शम्भुपूजनपरं पठति प्रदोषे |
तस्य स्थिरां रथगजेन्द्रतुरङ्गयुक्तां
लक्ष्मीं सदैव सुमुखिं प्रददाति शम्भुः ||१५||
इति श्रीरावण-कृतम् शिव-ताण्डव-स्तोत्रम् सम्पूर्णम्
SHIVA TANDAV STOTRAM IN ENGLISH
Jata tavee gala jala pravaha pavithas thale
Galae..valambya lambitaam bhujanga tunga malikaam
Damad damad damad daman ninaa davad damar vayam
Chakara chanda tandavam tanotu naha shivaha shivam. 1
Jata kataha sambhrama bhraman nillimpa nirjharee,
Vilola veechi vallaree viraja mana moordhani,
Dhagad dhagad dhagaj jwalal lalaata patta pavake,
Kishora chandra shekare ratihi pratikshanam mama. 2
Dhara dharendra nandinee vilaasa bandu bandura,
Sphuraddigan tasantati pramoda maana maanase,
Krupaa kataaksha dhoranee niruddha durdharaapadi,
Kwachid digambare (kwachicchidambare) mano vinodametu vastuni. 3
Jataa bhujanga pingala sphurat phana mani prabha,
Kadamba kum-kumadrava pralipta digwadhuu mukhae,
Madaandha sindhu rasphurat waguttari yamedure,
Mano vinodamadbhutam bibhartu bhoota bhartari. 4
Sahasra lochana prabhrut yashesha lekha shekhara,
Prasoona dhooli dhoranee vidhuu sarandhri peethabhuhu,
Bhujangaraja malaya nibaddha jaata jootaka,
Shriyai chiraya jaayatam chakorabandhu shekharaha. 5
Lalaata chatwara jwalad dhananjaya sphulingabhaa,
Nipeeta pancha saayakam naman nilimpa naayakam,
Sudhaa mayookha lekhayaa viraajamana shekharam,
Mahaa kapali sampade, shiro jataa lamastu naha. 6
Karaala bhaala pattikaa dhagad dhagad dhagaj jwala-
Ddhananjayaa hutee kruta prachanda pancha sayakae,
Dharaa dharendra nandinee kuchagra chitrapatraka-
-Prakalpanaika shilpini, trilochane ratir mama. 7
Naveena megha mandalee nirudha durdhara sphurat,
Kuhoo nisheethi neetamaha prabandha bandha kandharaha,
Nilimpa nirjharee dharastanotu krutti sindhuraha,
Kalaa nidhaana bandhuraha shriyam jagat durandharaha. 8
Praphulla neela pankaja prapancha kaalima prabha-
-Valambi kanttha kandalee ruchi prabaddha kandharam,
Smarschidam puraschidham bhavaschidham makhachidham,
Gajacchidandhakacchidaam tamantakacchidam bhaje. 9
Akharva (Agarva) sarva mangalaa kalaa kadamba manjaree,
Rasa pravaaha maadhuri vijrumbhanaa madhu vratam,
Smaraantakam, puraantakam, bhavaantakam, makhaantakam,
Gajaantakaandhakaantakam tamantakaantakam bhaje. 10
Jayatvadabhra vibhrama bhrama dbujanga mashvasa-
-dvinirgamatkramasphurat karaala bhaala havya vaat,
Dhimid dhimid dhimi dhvananmrudanga tunga mangala,
Dhwani krama pravartita prachanda taandavaha shivaha. 11
Sprushad wichitra talpayorbhujanga mouktika srajor-,
Garishtha ratna loshthayoho suhrudwi paksha pakshayoho,
Trunaara vinda chakshushoho prajaamahee mahendrayoho,
Samam pravartikaha kada sadaashivam bhajamyaham. 12
Kada nilimpa nirjari nikunja kotarae vasan,
Vimukta durmateehi sada shiraha sthamanjalim vahan,
Vilolalola lochano lalaama bhaala lagnakaha,
Shiveti mantramuccharan kada sukhee bhavamyaham. 13
Idam hi nityameva mukta muttamottamam stavam,
Pathan smaran bruvan naro vishuddhimeti santatam,
Hare Gurau subhaktimashu yati naanyatha gatim,
Vimohanam hi dehinaam sushankarasya chintanam. 14
Poojavasaanasamaye dashavaktrageetam,
Yaha shambhupoojanaparam pathati pradoshe,
Tasya sthiraam rath gajendra turanga yuktam,
Lakshmeem sadaiva sumukhim pradadaati shambhuhu. 15
Iti ShreeRavana-krutam, Shiva-tandava-stotram, Sampoornam,