SHRI SANKATMOCHAN HANUMANASHTAK : श्री संकटमोचन हनुमानाष्टक
बाल समय रबि भक्षि लियो तब, तीनहुँ लोक भयो अँधियारो ।
ताहि सों त्रास भयो जग को, यह संकट काहु सों जात न टारो ॥
देवन आन करि बिनती तब, छाँड़ि दियो रबि कष्ट निवारो ।
को नहिं जानत है जग में कपि, संकटमोचन नाम तिहारो ॥ 1 ॥
बालि की त्रास कपीस बसै गिरि, जात महाप्रभु पंथ निहारो ।
चौंकि महा मुनि शाप दिया तब, चाहिय कौन बिचार बिचारो ॥
के द्विज रूप लिवाय महाप्रभु, सो तुम दास के शोक निवारो ।
को नहिं जानत है जग में कपि, संकटमोचन नाम तिहारो ॥ 2 ॥
अंगद के संग लेन गये सिय, खोज कपीस यह बैन उचारो ।
जीवत ना बचिहौ हम सो जु, बिना सुधि लाय इहाँ पगु धारो ॥
हेरि थके तट सिंधु सबै तब, लाय सिया-सुधि प्राण उबारो ।
को नहिं जानत है जग में कपि, संकटमोचन नाम तिहारो ॥ 3 ॥
रावन त्रास दई सिय को सब, राक्षसि सों कहि शोक निवारो ।
ताहि समय हनुमान महाप्रभु, जाय महा रजनीचर मारो ॥
चाहत सीय अशोक सों आगि सु, दै प्रभु मुद्रिका शोक निवारो ।
को नहिं जानत है जग में कपि, संकटमोचन नाम तिहारो ॥ 4 ॥
बाण लग्यो उर लछिमन के तब, प्राण तजे सुत रावण मारो ।
लै गृह बैद्य सुषेन समेत, तबै गिरि द्रोण सु बीर उपारो ॥
आनि सजीवन हाथ दई तब, लछिमन के तुम प्राण उबारो ।
को नहिं जानत है जग में कपि, संकटमोचन नाम तिहारो ॥ 5 ॥
रावण युद्ध अजान कियो तब, नाग कि फाँस सबै सिर डारो ।
श्रीरघुनाथ समेत सबै दल, मोह भयो यह संकट भारो ॥
आनि खगेस तबै हनुमान जु, बंधन काटि सुत्रास निवारो ।
को नहिं जानत है जग में कपि, संकटमोचन नाम तिहारो ॥ 6 ॥
बंधु समेत जबै अहिरावन, लै रघुनाथ पाताल सिधारो ।
देबिहिं पूजि भली बिधि सों बलि, देउ सबै मिति मंत्र बिचारो ॥
जाय सहाय भयो तब ही, अहिरावण सैन्य समेत सँहारो ।
को नहिं जानत है जग में कपि, संकटमोचन नाम तिहारो ॥ 7 ॥
काज किये बड़ देवन के तुम, वीर महाप्रभु देखि बिचारो ।
कौन सो संकट मोर गरीब को, जो तुमसों नहिं जात है टारो ॥
बेगि हरो हनुमान महाप्रभु, जो कछु संकट होय हमारो ।
को नहिं जानत है जग में कपि, संकटमोचन नाम तिहारो ॥ 8 ॥
॥ दोहा ॥
लाल देह लाली लसे, अरू धरि लाल लंगूर ।
बज्र देह दानव दलन, जय जय जय कपि सूर ॥
॥ इति संकटमोचन हनुमानाष्टक सम्पूर्ण ॥
Baal Samay Rabi Bhakshi Liyo Tab Tinhu Lok Bhayo Andhiyaaro
Taahi So Tras Bhayo Jag Ko Yeh Sankat Kaahu Sau Jaat Ne Taaro
Devan Aani Kari Binti Tab Chadi Diyo Rab Kasht Nivaaro
Ko Nahi Jaanat Hai JagMein Kapi Sankatmochan Naam Tihaaro ||1||
Baal Ki Traas Kapis Basey Giri Jaat Mahaprabhu Panth Niharo
Chaunki Maha Muni Shaap Diyo Tab Chahiy Kaun Bichar Bicharo
Kay Dwij Roop Livaya Mahaprabhu So Tum Das Ke Sok Nivaro
Ko Nahi Jaanat Hai JagMein Kapi Sankatmochan Naam Tihaaro ||2||
Angad Ke Sang Len Gaye Siya Khoj Kapis Yeh Bain Ucharo
Jivat Na Bachiho Hum So Ju Bina Sudhi Laye Iha Pag Dhaaro
Her Thakey Tat Sindhu Sabey Tab Lay Siya-Sudh Pran Ubaaro
Ko Nahi Jaanat Hai JagMein Kapi Sankatmochan Naam Tihaaro||3||
Raavan Traas Dai Siya Ko Sab Raakshashi So Kahi Sok Nivaaro
Taahi Samay Hanuman Mahaprabhu Jaaya Maha Rajnichar Maaro
Chahat Siya Asok So Aagi Su Dai Prabhu Mudrika Sok Nivaaro
Ko Nahi Jaanat Hai JagMein Kapi Sankatmochan Naam Tihaaro||4||
Baan Lagyo Ur Laxman Ke Tab Pran Tajey Sut Ravan Maaro
Ley Grah Baidya Sushen Samet Tabey Giri Dron Su Bir Upaaro
Aani Sajeevan Haath Dai Tab Laxman Ke Tum Pran Ubaaro
Ko Nahi Jaanat Hai JagMein Kapi Sankatmochan Naam Tihaaro ||5||
Ravan Judh Ajaan Kiyo Tab Naag Ki Faans Sabey Sir Daaro
ShriRagunath Samet Sabey Dal Moh Bhayo Yeh Sankat Bhaaro
Aani Khages Tabey Hanuman Ju Bandhan Kaati Sutraas Nivaaro
Ko Nahi Jaanat Hai JagMein Kapi Sankatmochan Naam Tihaaro ||6||
Bandhu Samet Jabey Ahiravan Ley Ragunath Pataal Sidhaaro
Debihi Puji BhaliBidhi So Bali Deoo Sabey Mili Mantra Bichaaro
Jaaya Sahaya Bhayo Tab Hi Ahiravan Sainya Samet Sanhaaro
Ko Nahi Jaanat Hai JagMein Kapi Sankatmochan Naam Tihaaro||7||
Kaaj Kiye Bad Devan Ke Tum Bir Mahaprabhu Dekhi Bichaaro
Kaun So Sankat Mor Garib Ko Jo Tumso Nahi Jaat Hai Taaro
Baig Haro Hanuman Mahaprabhu Jo Kuch Sankat Hoey Hamaro
Ko Nahi Jaanat Hai JagMein Kapi Sankatmochan Naam Tihaaro ||8||
|| Doha ||
Laal Deh Laali Lase Aru Dhari Laal Langoor,
Bajra Deh Daanav Dalan Jay Jay Jay Kapi Soor ||